Wednesday, March 8, 2017

Reflexion super homophobia

Io justo ora videva un video in le qual un youtuber brasilian nominate Henry informa super un agression homophobic del qual ille e su amante era victimas in un festival de musica electronic. Illes era sedite, solmente prendente lor manos, quando un homine colpava les fortemente con su pede. Anque recentemente, duo mulier transexual era victima de assassinato. Isto face me pensar super le dur realitate del LGBTphobia in nostre cultura.
Io jammais suffreva un agression con violentia, ma io sape que nos ha un cultura de prejudicio. Io sape lo proque io memora me del dia in le qual mi matre plorava depost que io revelava a illa mi homosexualitate. Illa plorava proque illa sapeva que io poterea ser in periculo.
A causa del cultura, que dice nos que non ser heterosexual es inacceptabile, que io es impur, io passava 6 annos de mi vita, a saper mi adolescentia, sin poter acceptar mi orientation sexual, effortiante me pro cambiar me, cercante un Deo qui condemnava mi proprie essentia al inferno.
Infelicemente, homophobia non es un crimine in Brasil, in consequentia, si un homosexual suffre un aggression o discrimination il non ha leges pro proteger le. E durante que il ha pastores protestante in nostre politica, imponente lor normas al populo, forsan nos jammais habera un lege pro proteger nos, un lege pro criminalisar iste aggressiones.
Un video que monstra le tortura de Dandara, un mulier transexual del citate de Fortaleza qui era torturate e assassinate, deveniva viral in le retes social

1 comment: