Posts

Nise: "Le corde del follia"

Image
Io ha justo viste iste film que es basate in le vita de Nise da Silveira. Illa era un psychiatro e studente de Carl G. Jung, usava arte e animales in le therapia. Le production artistic del clientes era tan intense que ancora hodie il ha un Museo de Imagines del Inconsciente.
Le film es vermente dense. On pote sentir fortemente le suffrentia e le dolor del personas in un hospital psychiatric del seculo XX. Nise lucta contra le tractamentos intrusive como le lobotomia e le electroshock.
Il me place le psychologia analytic de Jung, ergo il me place como le theoria es inserite in le historia. Ma io recommenda iste film anque para personas qui non cognosce Jung, il es captivante de tote le manieras.
Infelicemente, essente un production brasilian, on pote solmente trovar lo in portugese. Ma in Netflix il ha subtitulos in italiano, francese, anglese e germano.
Io voleva compartir iste meraviliose film con vos, gratias pro legger!

Le solo es lava

Image

Confrontation de gigantes

Image

Brasil e su presidentes

Image
In 2016, Dilma Russeff perdeva le presidentia national a causa de un processo de impeachment. Le actual presidente es Michel Temer, que era le vicepresidente. Le impeachment de Russeff era un tanto contradictori, multe personas appellava lo un colpo de stato, ja que Dilma non habeva comittite ulle crimines probate. Ora, in 2017, un registration de voce proba involvimento de Temer con corruption. Alcun partitos alliate dice que Temer debe renuntiar al presidentia, pro evitar un nove impeachment, que serea le tertie in 30 annos, ma ille respondeva que non vole renuntiar. Brasil clarmente vive un crisis del systema presidentialista, ma nos non ha un forte movimento parlamentarista, tunc iste crisis non debe finir in pauc tempore.

Scientia e Psychoanalysis

Essente un studente de Psychologia, io inevitabilemente ha cognoscite alcun lineas theoric non exactemente scientific. Specialmente le psychoanalysis de Freud, a causa de esser probabilemente le plus famose e forsan le plus popular accostamento psychotherapeutic.

Io non va scriber super detalios theoric, ma il ha varie rationes proque on non pote probar le major parte del psychoanalysis. Assi, le linea freudian es considerate un pseudoscientia e, a causa de isto, multe psychologos (principalmente analystas del comportamento) dice que on non deberia vider lo como parte del Psychologia.

Obviemente, tum, le psychoanalystas face un critica al methodo scientific, al recercas laboratorial, al supervalorisation del scientias in comparation con altere formas de cognoscimento e al studio del comportamento.

Finalmente, analystas del comportamento e psychoanalystas deveni inimicos mortal. In consequentia, un classe de psychologia pote esser un loco de multe tension ideologic xD

Reflexion super homophobia

Image
Io justo ora videva un video in le qual un youtuber brasilian nominate Henry informa super un agression homophobic del qual ille e su amante era victimas in un festival de musica electronic. Illes era sedite, solmente prendente lor manos, quando un homine colpava les fortemente con su pede. Anque recentemente, duo mulier transexual era victima de assassinato. Isto face me pensar super le dur realitate del LGBTphobia in nostre cultura.
Io jammais suffreva un agression con violentia, ma io sape que nos ha un cultura de prejudicio. Io sape lo proque io memora me del dia in le qual mi matre plorava depost que io revelava a illa mi homosexualitate. Illa plorava proque illa sapeva que io poterea ser in periculo.
A causa del cultura, que dice nos que non ser heterosexual es inacceptabile, que io es impur, io passava 6 annos de mi vita, a saper mi adolescentia, sin poter acceptar mi orientation sexual, effortiante me pro cambiar me, cercante un Deo qui condemnava mi proprie essentia al infer…

Tu non lo comprenderea

Image
Un comic plus :D que il vos place