Posts

Brasil e su presidentes

Image
In 2016, Dilma Russeff perdeva le presidentia national a causa de un processo de impeachment. Le actual presidente es Michel Temer, que era le vicepresidente. Le impeachment de Russeff era un tanto contradictori, multe personas appellava lo un colpo de stato, ja que Dilma non habeva comittite ulle crimines probate. Ora, in 2017, un registration de voce proba involvimento de Temer con corruption. Alcun partitos alliate dice que Temer debe renuntiar al presidentia, pro evitar un nove impeachment, que serea le tertie in 30 annos, ma ille respondeva que non vole renuntiar. Brasil clarmente vive un crisis del systema presidentialista, ma nos non ha un forte movimento parlamentarista, tunc iste crisis non debe finir in pauc tempore.

Scientia e Psychoanalysis

Essente un studente de Psychologia, io inevitabilemente ha cognoscite alcun lineas theoric non exactemente scientific. Specialmente le psychoanalysis de Freud, a causa de esser probabilemente le plus famose e forsan le plus popular accostamento psychotherapeutic.

Io non va scriber super detalios theoric, ma il ha varie rationes proque on non pote probar le major parte del psychoanalysis. Assi, le linea freudian es considerate un pseudoscientia e, a causa de isto, multe psychologos (principalmente analystas del comportamento) dice que on non deberia vider lo como parte del Psychologia.

Obviemente, tum, le psychoanalystas face un critica al methodo scientific, al recercas laboratorial, al supervalorisation del scientias in comparation con altere formas de cognoscimento e al studio del comportamento.

Finalmente, analystas del comportamento e psychoanalystas deveni inimicos mortal. In consequentia, un classe de psychologia pote esser un loco de multe tension ideologic xD

Reflexion super homophobia

Image
Io justo ora videva un video in le qual un youtuber brasilian nominate Henry informa super un agression homophobic del qual ille e su amante era victimas in un festival de musica electronic. Illes era sedite, solmente prendente lor manos, quando un homine colpava les fortemente con su pede. Anque recentemente, duo mulier transexual era victima de assassinato. Isto face me pensar super le dur realitate del LGBTphobia in nostre cultura.
Io jammais suffreva un agression con violentia, ma io sape que nos ha un cultura de prejudicio. Io sape lo proque io memora me del dia in le qual mi matre plorava depost que io revelava a illa mi homosexualitate. Illa plorava proque illa sapeva que io poterea ser in periculo.
A causa del cultura, que dice nos que non ser heterosexual es inacceptabile, que io es impur, io passava 6 annos de mi vita, a saper mi adolescentia, sin poter acceptar mi orientation sexual, effortiante me pro cambiar me, cercante un Deo qui condemnava mi proprie essentia al infer…

Tu non lo comprenderea

Image
Un comic plus :D que il vos place

La action human e le sanitate del pug

Image
Initialmente, le canes non existeva. Alora, le homine domesticava le lupo pro chassar, assi nasceva le can. Nos sape que le Canidae ha typichemente un grande naso pro respirar. Ma le personas comenciava a voler canes de plus in plus belle, selectionante artificialmente lor reproduction. In le caso del pug, le selection human faceva multo mal a illo.

Le cranio del pug es hodie completemente deforme, si nos compara lo con alteres racias canin. A cause del action human, que selectionava canes con nasos de minor in minor pro reproducir, le pug non pote respirar con facilitate, resultante in multe possibile maladias e basse sperantia de vita. Su ossos nasal es multo reducite in comparation con altere canes, como nos pote vider in iste cranio de un pastor german.

Mi collection de cattos

Image
Recentemente, io ha jocate Neko Atsume, un joco ubi on pote attraher cattos con alimentos e joculos, pro photographar los
e assi plenar le album. Illo non demanda tante tempore de joco, assi que on pote jocar lo sin lassar de facer su deberes o studios, totevia illo es multo amusante. Forsan vos vole probar lo :3